EZELDEN IŞK ODINA // SÜMBÜL SİNAN

EZELDEN IŞK ODINA // SÜMBÜL SİNAN

EZELDEN IŞK ODINA

Ezelden ışk odına yana geldüm

Anınçün tâ ebed mestâne geldüm

Eğer nûş itmez isen sen bu meyden

Dime zâhid ki ben insana geldüm

İçe bir cür’a ger râhip bu meyden

Koyup küfri diye imâna geldüm

Saray-ı vahdet olmuşken makâmun

Bu kesret âlemin seyrâna geldüm

Bu dehr içre görüp itme taaccüp

Çün gizli genc idüm vîrâna geldüm

Var idi ilm-i ayn-a kâbiliyyet

Görüben kendümi imâna geldüm

Çün birdir Sümbülî mâruf-u ârif

İdüp dâ’vâ dime irfâna geldüm