GAZEL // Hoca Dehhânî

GAZEL // Hoca Dehhânî

GAZEL

 

Zihî gevher k’arulukda güher-veşdür dişi lü’lû

Yüzin görüp urur yire özin her dem gül-i hod-rû

Yüzi güldür saçı sünbül boyu serv ü lebi şekker

Melek sîret Hasen-sûret kaşı fettân gözi câzû

 

Bilüsüzlik idüp bu kim mukâbil oldı yüzine

Kamuya rûşen oldı kim katı yüzlüyimiş gözgü

Yiridür taglara düşsem bu gün Ferhâd-veş andan

Ki Şîrîn sözleri vardur şekerden hem dahi tatlu

 

Nice gözleyem ol kaşı ki hışmı yasını kurmış

Atar kirpükler ohını pey-â-pey gözüme karşu

Bilinden kimsene hergiz haber virmeye bir kılca

Kemer ger kıl yâranlara haber virmez ise gizlü

 

Değül mümkin ki gönülden ögütle çıkaram anı

Ağarmaz hîç Dehhânî yuyuben sûret-i Hindû

Hoca Dehhânî