HER DEMDE ADI
Her demde adı sevdügünün yâd gerekdür
Yârile biliş özge ilen yâd gerekdür
Kaygulu gerekmez dögülen ‘ışk yolında
Dögüldügine ‘âşık olan şâd gerekdür
Bir sencileyin husrev-i şîrîn-dehen içün
Bin bencileyin sûhte Ferhâd gerekdür
Mahbûb olan bî-meze vü telh gerekmez
Özinde anun sözi kimi dâd gerekdür
‘Işkun evidür gönlüm anı cevrile yıhma
Ol mihr ü vefâ-y-ile hoş-âbâd gerekdür
Ol yâr dimiş kûyum iti Rûşenî içün
Bî-çâreye bir buncılayın ad gerekdür
Bî-çâreye bir buncılayın ad gerekdür
Hiç yorum yok:
Yorum Gönder