HİKMET // Ahmet Yesevî // Divan-ı Hikmet

HİKMET // Ahmet Yesevî // Divan-ı Hikmet

HİKMET

 

Ahmet Yesevî

Divan-ı Hikmet

hzl.: Kemal Eraslan

 

1. Kudret birle fermân kıldı Mevlâ’m bizge

Yirde kökde cânlığ mahlûk kalmas irmiş

Kâbız kıldı Azâzilni âlem üzre

Azîz cânnı almağunça koymas irmiş

 

2. Yaşım mini yaş bolur dip aytur irdim

Her ne hâsıl bolsa az dip aytur irdim

Türlüg türlüg da’vâ işler kılur irdim

İmdi bildim min aytken dik bolmas irmiş

 

3. Dünyâ mini mülküm digen sultânlarğa

Âlem mâlın sansız yığıp alğanlarğa

Ayş u işret birle meşgûl bolğanlarğa

Ölüm kilse biri vefâ kılmas irmiş

 

4. Mağrûr bolmang ey dostlarım işret itip

Kiçe kündüz yalğan aytıp bî-hod yatıp

Cân alğuçı kilür irmiş bir kün yitip
Mundağ yirde gâfil yörse bolmas irmiş

5. Kul Hâce Ahmet öleringni bile körgil

Âhiretni erzatgın kıla körgil

Barur min dip yol başında tura körgil

Melekü’l-mevt kilse fursat koymas irmiş